- Sala d’esposiciones Casa Cultura (Palaciu de Valdecarzana) Grau
- Del 5 al 31 Mayu
- Llunes – vienres 10-20:45 h. Sábados y domingu 10-14 y 15- 20:45 h.
- En collaboración col Muséu Etnográficu de Grao
Recordar a quien desempeñaron históricamente los oficios tradicionales d’Asturies. Ese ye l’oxetivu de «Nel umbral del olvíu» una esposición fotográfica que pon el focu na artesanía y nel so procesu de creación. #AnalíaPello #Fotografía #Artesanía #Grau
El Palaciu de Valdecarzana acueye esti mes de mayu la esposición fotográfica «Nel umbral del olvíu» de la fotógrafa asturiana Analía Pello. La esposición forma parte del proyectu personal de l’autora, quien a lo llargo de los últimos años foi documentando oficios asturianos en peligru d’estinción. Dende’l postreru madreñeru d’Uviéu, el postreru alfareru de Faru, el postreru cesteru de Grau, pasando pola ellaboración artesanal de productos tan escasos como’l gamoneu del puertu.
L’amuesa recueye un total de 70 fotografíes nes que se retrata a los artesanos y documéntase’l procesu d’ellaboración d’una de les pieces. Estes fotografíes non yá son un testimoniu visual de la pervivencia d’estes actividaes, sinón tamién una llamada d’atención énte’l riesgu de la so desapaición.
“Nel umbral del olvíu” ufierta una reflexón fonda sobro’l valor de caltener los oficios que, entá anguaño, representen una conexón directa cola hestoria, les tradiciones y el patrimoniu cultural de la nuesa tierra.
L’amuesa convida al espectador a viaxar al traviés del tiempu y l’espaciu, a afayar la riqueza de la vida cotidiana n’Asturies y a sensibilizase sobro la urxencia de caltener esti legáu. Les imaxes d’Analía son una ponte ente’l pasáu y el futuru, una puerta a un mundu que cuerre’l riesgu de sumir.
📍 Nel umbral del olvíuNel marcu incomparable del Palaciu de Valdecarzana, edificiu señorial del sieglu XV, preséntase una nueva edición Nel umbral del olvíu, una esposición que recueye la memoria viva de quince oficios tradicionales asturianos en cantu de la desapaición. Esta amuesa —qu’incorpora nueves semeyes y testimonios— busca rindir homenaxe a homes y muyeres que sostuvieron mientres #generación saberes esenciales, güei amenaciaos pol pasu del tiempu y l’olvidu.
