- Fonte: RTPA / Resolución (pdf)
Educación repite que tendrán d’usase de manera prioritaria’l papel y otros métodos analóxicos. Les instrucciones espublizaes güei n’Educastur sobre l’usu de dispositivos dixitales afiten qu’en primaria estes tecnoloxíes solo van poder tener un usu complementariu o pa facer xeres concretes so la supervisión del docente. Nel casu de Secundaria, los recursos analóxicos tendrán de primar sobre los dixitales señala Lydia Espina, conseyera d’Educación.
Los centros tendrán de recoyer l’usu de les nueves tecnoloxíes nun plan dixital y na so programación añal. Los colexos con una amplia implantación de dispositivos dixitales van poder adaptase a esta nueva normativa’l cursu que vien. Ye’l casu del colexu La Inmaculada, en Xixón, que lleva más d’una década trabayando en competencies dixitales. Les families sofiten el so usu, siempres que seya responsable apunta Marta Calviño, presidenta del AMPA Colexu María Inmaculada de Xixón.
N’otros centros, como’l colexu Monte Deva, les families sofiten que se priorice l’usu del papel asegura Luz García, presidenta de l’Asociación de Families del Monte Deva.
Les instrucciones espublizaes güei n’Educastur tendrán d’espublizase nel BOPA nos próximos díes.
