Asturies consolida la so marca «Ciclismu por Naturaleza» reforzando’l so allugamientu como destino cicloturista en Ciclosferia (Valencia) y na 2ª edición del Asturies Bike Weekend en Xixón, dos cites clave nel calendariu promocional del sector.
En Valencia, Asturies participó per primer vegada en Cicloferia con un estand temáticu qu’atraxo cerca de 1000 visitantes, ufiertando esperiencies interactives como rutes virtuales pelos Senderos del Carbón y la mariña naviega.
En Xixón l’estand informativu instaláu nel ferial Luis Adaro recibió cerca de 500 persones e incluyó la presentación del portal asturiasciclismopornaturaleza.es, que yá destaca pol so algame y ufierta: más de 4.000 km distribuyíos en 85 rutes, con propuestes afeches a tolos niveles nos 78 conceyos asturianos.
