- Alborecemos col cielu poco nuboso o escampláu, sicasí con delles nublines no fonderu los valles ya con unes temperatures que tan alrodiu de los 10ºC, rexistrándose nel puirtu Payares 1,8ºC
- Güei vamos tener el cielu escampláu polo xeneral con dalguna nube baxa que dirá entrando pela tarde de la marina. Les temperatures camudarán poco, calteniéndose un ambiente suave con másimes que malpenes algamarán los 20ºC ya con dalgo de nordés pela costa que baxará la sensación térmica entovía más.
- Mañana sábadu alboreceremos con dalgo de nubosidá estratificada na fastera central asturiana que dirá dixebrándose a lu llargu la mañana, pa dexanos el cielu poco nuboso o escampláu, amás les temperatures másimes subirán dalgo y l’aire nordés perderá fuercia.
- El domingu vamos tener nubes ya claros o abancios pela mañana pa dir aumentando la nubosidá a partir del mediudía y dexanos el cielu nuble pela tarde. Les temperatures másimes descenderán llixeramente y l’aire rolará a componente norte con raches moederaes na costa y zones espuestes.
