- Alborecemos col cielu poco nuboso o escampláu, sicasí na fastera central asturiana y no fonderu los valles tendemos dalgo de borrín y nublina con unes temperatures que tan alrodiu de los 10ºC, rexistrándose nel puirtu Payares 6,9ºC.
- Güei los borrinos y nublines del alborecer dirán dixebrándose rápidamente pa dexanos un día soleyeru y perguapo con temperatures n’ascensu pero sin pasar calor con másimes que malpenes sobrepasarán los 21-22ºC, sicasí nel llitoral y zones espuestes l’aire nordés pue soplar dalgo cafiante y baxar la sensación térmica.
- Mañana domingu vamos tener más nubes que güei ya dirán ganando terrén sobre too pela tarde, inclusu puen dexanos dalgo d’orpín al atapecer con unes temperatures que camudarán poco o descenderán llixeramente les másimes.
- El llunes tará’l cielu nuble tol día pero sin malpenes precipitaciones que de dase sedrán en forma d’orpín y nel llitoral ocidental d’Asturies con unes temperatures que van caltenese suaves con másimes que tarán sobre los 20ºC.
- El martes meyora ya dirá escamplando’l cielu y paez que’l restu la selmana sedrá anticiclónica con sol y muncho calor de cara al vienres cuando puen algamase los 30ºC na mayor parte d’Asturies, favoreciendo la fin de selmana que tengamos dalguna truena pero esto yá lu diremos viendo.
