Empezamos selmana con una xornada marcada pelos cielos nublos en tol Principáu d’Asturies. Les precipitaciones van ser pocu probables pero, sía que non, nun se refuga que puedan escapase dellos orbayos mientres la mañana na mariña y proximidaes. Los vientos van predominar de nordeste fluexos polo xeneral, con dalguna racha daqué más significativa na mariña. Les temperatures máximes van baxar de forma xeneralizada hasta 3 o 4 ºC menos qu’esti domingu. Les mínimes van xubir na mariña oriental y van caltenese ensin cambeos nel restu d’Asturies.
El martes esperamos una día meteorolóxicamente distintu al de güei con un claru predominiu del sol. Poro, sacantes delles gurrianes y bancos de borrina mañaneru que se van estenar rápido, los cielos van tar pocu nublos o estenos. Los vientos van siguir soplando de nordeste, fluexos nel interior y con raches moderaes na mariña. Les temperatures máximes van xubir hasta 5 ºC en tola Comunidá Autónoma y les mínimes nun van variar. Les temperatures van siguir xubiendo hasta’l vienres cuando vamos poder averanos a los 30 ºC n’Asturies.
