- Alborecemos col cielu mui nuboso y con dalgo d’orpín pela costa, tando escampláu nes cumes más altes de la cordelera con unes temperatures que tan alrodiu de los 13ºC, rexistrándose nel puirtu Payares 5,3ºC.
- Güei vamos tener nubosidá baxa ya estratificada que malpenes dexará dalgo d’orbayu nes zones más favoretibles cola posibilidá de que s’abra dalgún claru o abanciu nes hores centrales del día en zones del interior. Les temperatures másimes en llixeru descensu y l’aire de componente norte con raches moderaes nel llitoral.
- Mañana martes meyorará y dirá escamplándo’l cielu a lu llargu la mañana pa dexanos un día soleyeru y perguapu con un ascensu de les temperatures pero sin pasar calor tovía.
- El miércoles ya xueves tendremos el cielu poco nuboso o escampláu con delles nublines nel alborecer no fonderu los valles ya con unes temperatures que dirán esguilando graos según avance la selmana.
- Paez que’l vienres sedrá’l día más calurosu pero tendremos el cielu más empuercáu de nubes ya cola posibilidá de tener dalgún xarabatu tormentosu al atapecer por mor del calor, el sábadu refrescará dalgo ya tendremos un día nuble polo xeneral y el domingu’l resfrescamientu yá sedrá bultable pero esto yá lu diremos viendo.
