La previsión del tiempu n’Asturies para esti miércoles apunta a un día estable en tol Principáu. Los cielos van tar prácticamente estenaos mientres el día. A lo sumo, podríen apaecer delles gurrianes y bancos de borrina a primer hora que van tender a sumir bien rápido y, como muncho, a lo llargo de la xornada podrán reparase dellos intervalos de nubes altes insignificantes por momentos. Los vientos van ser fluexos y variables pela mañana, tendiendo a afitase de nordeste-esti a partir del mediudía con posibilidá de dalguna racha moderada na mariña. Les temperatures máximes van xubir de forma xeneralizada ente 2 y 3 ºC respectu al martes, ente quevan xubir nel cordal, podríen baxar un pocu na mariña central, y van caltenese ensin cambeos nel restu de la rexón.
El xueves va ser, de lo que llevamos d’añu, el día más templáu con temperatures que van algamar, ya inclusive van superar, los 30 ºC. Los cielos van tar soleyeros anque, pela tarde, van apaecer nubes d’evolución. Les máximes van xubir ente 6 y 8 ºC en tola Comunidá Autónoma, ente que les mínimes van xubir nel suroccidente y na franxa de la mariña. Los vientos van predominar de sur nel cordal, y de componente este na mariña.
