La enseñanza asturiana sigue adelantre cola fuelga indefinida: «La propuesta d’Educación ye una vergoña». Los sindicatos afirmen qu’Educación nun presentó nenguna propuesta seria» na mesa de negociación, qu’abandonaron, y van siguir colos paros y la manifestación convocada para esti domingu. LNE / El Comercio /
Los sindicatos ANPE, CCOO, SUATEA, UXT y CSIF abandonaron la mesa de negociación d’esti vienres cola conseyera d’Educación, Lydia Espina, a la qu’allegaren xuntos coles mires de que’l Gobiernu d’Asturies atienda les sos reivindicaciones sobro equiparación salarial, atención a la diversidá y amenorgamientu de burocracia, ente otres cuestiones.
El secretariu xeneral del sindicatu d’Enseñanza de CCOO d’Asturies, Borja Llorente, foi l’encargáu d’anunciar a los docentes concentraos a les puertes del edificiu Easmu qu’esperen a que rematara la xunta, les midíes del Gobiernu asturianu.
«La negociación trai una propuesta que nun ye seria. Ufierten unes poques places de Pedagoxía Terapéutica y Audición y Llinguaxe, un complementu de 58 euros, un calendariu de negociación para los mayores de 55 –non l’aplicación, sinón la negociación– y pocu más», esplicó.
Los sindicatos, según detalló Llorente, «llevantámonos y dexámosla cola palabra na boca». Tres les sos declaraciones, les decenes de docentes concenctrados güei n’Uviéu empezaron a glayar «Lydia, dimisión». Los docentes aseguren que la propuesta ye «una vergüenza» y que los reprenstantes políticos «nun viven na realidá».
Les fuerces sindicales fixeron un llamamientu a la comunidá educativa para llograr una manifestación «histórica» esti domingu, 1 de xunu, n’Uviéu. Va Ser a les 12.00 hores, con salida de la estación de Renfe y llegada a la Plaza de la Escandalera.
La protesta radicalízase
CCOO, UXT, SUATEA y CSIF alcordaron esti martes «radicalizar» les movilizaciones tan solo unes hores dempués de qu’Adrián Barbón corrixera a Lydia Epina al anunciar na Xunta Xeneral qu’el so Gobiernu va dar marcha tras y va recuperar la xornada amenorgada en xunu y setiembre. Una midida indispensable por que los sindicatos reabrieren les negociaciones y que nun dexaren «la mesa vacida», pero que pa nada avera’l final del conflictu.
Duldes llegales en redol a la promesa de Barbón sobro la xornada amenorgada
«Si nun traen yá xuna propuesta económica seria, la fuelga indefinida ye un fechu. Empieza’l llunes y vamos llegar hasta onde haya que llegar», anunciaron va dos díes, dexando claro que la equiparación salarial va ser una de les claves pa llegar a un alcuerdu. Unes movilizaciones que 105 asociaciones de padres y madres de colexos asturianos sofitaron ayeri al traviés d’un manifiestu nel qu’amuesen la so «esmolición énte la situación na que s’atopen los claustros de los colexos d’Asturies».
«Tamos viendo cómo la Conseyería d’Educación retaya los sos derechos y amplía les sos responsabilidaes ensin dotar a los centros del personal necesario p’atender nes meyores condiciones a los nuesos fíos», diz el testu. «Los retayos al profesoráu tamién-y los retayen a la nuesa infancia», sentencien les families.
L’alcordada xúnise a la llucha
La Organización de Trabayadores de la Enseñanza Alcordada d’Asturies (OTECA),xuntu con USU y FSIE, tamién dixo «hasta equí». Y anunció una concentración el próximu día 5 de xunu, una fuelga’l 12 y una gran manifestación pal día 19 (el postreru lectivu del cursu).
Dalgunes de les reivindicaciones son similares a les de la enseñanza pública: la equiparación salarial como pidimientu históricu del colectivu. Amás, piden un aumentu de plantiyes y amenorgamientu de la xornada lectiva, especialmente pa mayores de 55 años, xubilaciones parciales con contratu relevo, amenorgamientu de ratios, plantiyes estables de profesores terapéuticos (PT) y d’audición del llinguaxe (AL), complementu autonómicu pal personal alministrativo, pagu delegáu pal personal complementario en centros d’atención a persones con discapacidá y caltenimientu del empléu en toles etapes.
Y, bien especialmente, piden el fin del tratu discriminatoriu y derechu de les families a escoyer llibremente’l centru educativu. «Sabemos que nun fai falta que t’espliquemos lo que ta asocediendo. Vívise acaldía nel to centru», indiquen dende OTECA. Y van más allá: «Tenemos una discriminación sistemática per parte del Gobiernu del Principáu que nos trata como trabayadores de segunda, a pesar de qu’acaldía damos lo meyor de nós nun serviciu públicu esencial: la Educación».
