Los profesores dan un pasu más na so llucha y zárrense nesta conseyería: «La situación non puede allargase». Los sindicatos llamen a tolos docentes a zarrase en centros educativos y otros edificios públicos. «Vamos zarranos para esixir una negociación imediata». Un grupu de profesores zárrase na conseyería de Facienda a la espera d’una solución tres dellos díes de fuelga .
Cuando se cumple una selmana de conflictu, los sindicatos educativos aumenten la presión sobro’l Gobiernu del Principáu. La estratexa qu’acaben d’empecipiar consiste n’encamentar a los docentes a que se zarren en centros educativos y otros edificios públicos.
Al berru de «nin un pasu tras», l’acción empezó na zona del Rexistru de la see de la Conseyería de Facienda, que’l so titular, Guillermo Pelaez, asumíu’l lideralgu de les negociaciones colos representantes de los trabayadores. En Facienda tán empecipiando un zarro miembros de los cinco sindicatos: ANPE, SUATEA, CSIF, CCOO y UXT. Dende l’esterior sofíten-yos otros compañeros.
Axentes de la Policía Nacional dialogaron colos zarraos. «Dixéronnos que mientres nun atayemos a la xente nun hai problema».
