Esperamos empecipiar el día con tiempu estable. Vamos Tener intervalos nublos con más nubosidá escontra l’occidente. Pero, especialmente a partir del mediudía, la nubosidá va dir estendiéndose por tola rexón para dar pasu a una tarde con cielos cubiertos. Estes nubes van poder dexar mientres la tarde delles precipitaciones partíes pola rexón que, a priori, van ser débiles. Les temperatures máximes van baxar en tola mariña, y nel interior central y oriental. Mentanto, nel interior occidental van caltenese ensin grandes cambeos respecto al xueves. Les mínimes van xubir llixeramente en toa Asturies. Los vientos van ser fluexos y variables en llínees xenerales.
El sábadu vamos tener bon tiempu cuidao que, anque vamos amanecer con cierta nubosidá, conforme trescurran les hores el sol va dir ganando terrenal a les nubes. Les temperatures máximes nun van variar, y les mínimes van baxar nel terciu oeste asturianu.
Los vientos van ser fluexos predominando d’oeste, especialmente na mariña onde van poder dase delles raches moderaes. Nun s’esperen precipitaciones para’l domingu anque podríen aumentar les nubes nel tramu final del día.
