La fuelga educativa se descontrola n’Asturies: dimiten en bloque más de cien direcciones de colexos. La fuelga d’educación n’Asturies radicalízase: barricaes, cortes de carreteres y una nueva concentración el domingu. Los profesores viralizan un vídeu nel que consideren que’l Principáu da-yos la razón sobro la diferencia salarial con Cantabria. LNE
Habíen avisáu y cumplieron. A lo llargo d’esta mañana, les direcciones de los colexos asturianos fueron presentando la so dimisión. Faenlo a cuenta gotes y «por coherencia». «Nel manifiestu comprometíamos a dimitir en casu de nun algamar un alcuerdu… Y ese alcuerdo nun s’algamó», espliquen dende la dirección del colexu San Félix de Candás. Refierse a la carta que 105 directores unviáron-y al presidente del Principáu, Adrián Barbón, na qu’esixíen ser escuchaos y ayudaos n’una situación «llende» para la enseñanza.
Nel Colexu Rural de Gozón, la dirección en bloque dimitió. Otru tantu nel Colexu Palacio Valdés d’Avilés. Un regueru de dimisiones que «descontrola la fuelga», dexando a los centros ensin mandos xustu nel final de cursu. «La situación ye insostenible y precisamos faer presión para consiguir una solución urxente», dicen.
Trátase d’un centenar de colexos y decenes d’institutos. Ente ellos ta’l Colexu d’Educación Especial de Latores, que llevaba años batallando por meyorar nes infraestructures. Dende l’AMPA del centru quixeron dirixir una carta al equipu directivu: «Unviámoslos tou’l nuesu sofitu y agradecimientos por dalo siempres tou polos nuesos neños», de la que llancen un mensaxe al Principáu: «Actúen con urxencia pa revertir esta situación, esto ta afectando a los nuesos fíos a la salú emocional de les sos families», confesaben nun momentu de «dolor, frustración ya indignación».
Estes son les nueves propuestes treslladaes pol Gobiernu d’Asturies a los sindicatos, qu’afonden nel pactu pola meyora de la educación pública con menos alumnáu por aula y más sofitu para FP. Imaxe
