- Fonte: LNE /
Terrible y madrugadora respuesta de los directores de colexu asturianos a la rueda de prensa convocada para esta mañana nel IES La Ería d’Uviéu. Un ensame de xefatures docentes, les mesmes qu’esta selmana anunciaron la so dimisión en bloque, concentróse, poco primero de les 10.30 hores, nos esteriores del centru de la capital asturiana al berru de «¡Viva la escuela pública! y «¡Nin un pasu tras!». Los equipos dimisionarios son alredor d’un centenar.
La so comparecencia énte los medios de comunicación va sirvir pa esplicar los motivos de les sos dimisiones, que per otra parte el Principáu entiende que queden conxelaes. Eso ye: mientres l’Alministración nun apruebe los sos ceses, los directores van tener que siguir nel so puestu esti llunes y, poro, los colexos van abrir mañana con «cierta normalidá».
Equipos directivos, nos esteriores del IES La Ería d’Uviéu
«La llei oblígame a dotar al mio centru d’unos recursos que nun tengo. Nun queremos ser cómplices de siguir asina. Por esi motivu dimos pasu al frente. Nun ye xuna cuestión económica. Ye la dignidá y la calidá de la educación», dixo na rueda de prensa d’esta mañana Inés Estrada, directora d’un colexu. L’IES La Ería ta aborratado de profesores tantu per dientro como per fora.
Con esta nueva movilización, el profesoráu asturianu, que ta en fuelga indefinida, esibe una vegada más fuerza y unidá antes de la gran concentración entamada pa güei (a les 12.00 hores) na Plaza d’España d’Uviéu, delantre de la see de la Conseyería d’Educación. Nella van tar los cinco sindicatos qu’encabecen les movilizaciones: ANPE, CC OO, UXT, SUATEA y CSIF. El Gobiernu d’Adrián Barbón yá citó a los representantes de caúnu d’ellos pa retomar les negociaciones esti llunes a les 10.30 hores.
