Guía de Sensibilización para Families sobro Nueves Adicciones y Consumos

Non toles adicciones vense. Dalgunes nun dexen marques físiques nin xeneren alarma inmediata, pero afecten de forma silenciosa al bienestar emocional, social y familiar de neñes, neños y adolescentes. Dende l’usu compulsivu del móvil hasta los apuestes online, munches d’estes conductes camuflense ente vezos cotidianos que normalicemos.

Vivimos nun mundu hiperconectáu onde les pantalles, los videoxuegos, les redes sociales o les apuestes online formen parte del día ente día. Munches vegaes el so usu paez inofensivu… hasta que dexa de selo. Esta Guía de Sensibilización para Families sobro Nueves Adicciones y Consumos naz p’ayudar a mirar más allá de lo que se ve y date ferramientes reales pa prevenir, acompañar y educar dende casa.

Ellaborada por CEAPA, col financiamientu de la Delegación del Gobiernu, esta publicación ye la resultancia d’un trabayu conxuntu tres el seminariu Nueves Adicciones del Sieglu XXI”. Recueye estratexes práctiques, propuestes p’aplicar en familia, idees p’abrir conversaciones difíciles y recursos de sofitu accesibles.

Equí nun vas atopar normes ríxides nin un llistáu de prohibiciones. Vas Atopar claves pa entender meyor lo que pasa, espacios pa cavilgar sobro los nuesos propios vezos, exemplos cercanos y propuestes pa fortalecer los venceyos familiares dende’l respetu y l’enfotu.