Tal día como güei de 1745 nacía en Xixón Xosefa de Xovellanos, considerada la primer autora de les lletres asturianes. Nos sos poemes, les idees ilustraes rellucen n’unos versos nos que denuncia les desigualdaes sociales d’un país apináu de maxestosos festexos celebraos a los güeyos d’un pueblu abandonáu a la so suerte. Llibru de Pintar-Pintar Editorial
La so infancia la pasa felizmente na so tamién casa natal, en compañía de los sos ocho hermanos, siendo unu d’ellos, como sabéis, Gaspar Melchor de Xovellanos. Cásase bien nuevu con Domingo Antonio González d’Argandona —polo que foi conocida como l’Argandona—, pero tamién llueu se queda viuda y pocu dempués ensin fíes.
A lo llargo de la so vida realiza unu llabor social bien importante dedicándose a instruyir a muyeres desamparaes. En 1793 ingresa nel monesteriu de les Madres Recoletes Agustines Descalces de Xixón (depués Fábrica de Tabacos) y consigue cumplir el so gran propósitu: funda una escuela por que les
neñes desfavorecies pudieren estudiar, daqué insólitu nesa dómina.
Dexámosvos con un estractu del so romance escritu al calor de los fechos qu’asocedieron un 10 de xineru de 1790 n’Uviéu mientres la proclamación de Carlos IV, nél Josefa retrata una realidá deformá y caricaturesca d’estos fechos.
