- Esperamos cielos bien nublos o cubiertos dende primer hora de la mañana. Namá, podríen entá tener delles escamplaes l’estremu más occidental mientres les primeres hores pero, igualmente, va acabar cubriéndose de nubes esti sector.
- Les precipitaciones van ser débiles pero van poder apaecer en cualquier momentu del día.
- Los vientos van empezar predominando d’oeste, pero van acabar afitándose de componente norte fluexos en tola rexón, especialmente a partir del mediudía.
- Les temperatures máximes van baxar de forma xeneralizada y notable. Van Baxar unos 6 o 7 ºC en tol interior, y unos 4 ºC aprosimao na mariña. D’esta forma, bien poques poblaciones van consiguir algamar o superar los 20 ºC.
- El domingu pocos cambeos espérense. Los cielos van tar nuevamente bien nublos con posibilidá de dellos orbayos que van ser más frecuentes pela mañana. Pela tarde la nubosidá va ser menos compacta pero, asina tou, les escamplaes que puedan apaecer van ser bien cobardes. Los vientos van afitase de nordeste a partir del mediudía y van dir aumentando la so intensidá sobremanera na mariña. Les temperatures van caltenese en llínees xenerales respectu al sábadu.
- La próxima selmana tou apunta a díes bien calorosos.
