Un proyectu de convivencia colaborativa con 36 viviendes
Queda bien poco pa poder estrenar estes viviendes nes que se busca vivir en comunidá ensin arrenunciar a l’autonomía asegura Joan Rovira, sociu d’Axuntase.
En total son 36 viviendes con zones comunes, güertos, xardinos… A diferencia de los modelos tradicionales, equí nun se merca nin s’arrienda: l’accesu ye por aciu de cesión d’usu.
Cada cooperativista tien qu’apurrir 172 mil euros. La mayoría yá tán axudicaes, pero entá queden 10 disponibles pensaes pa menores de 50 años porque se trata d’un proyectu interxeneracional.
Una forma distinta de vivir que ta a puntu de faese realidá, cada unu na so casa, pero con un vecindariu más cercanu, conectáu y colaborativu.
