Asturies celébralu con una nueva campaña de concienciación col eslogan ‘Dona sangre, dona esperanza’, cola que busquen fidelizar a los donantes y algamar que se caltengan y donen dos vegaes al añu.
Cada donante tien una historia, dalgunos como Andrés Suero entamaron namás cumplir los 18 años. A Antonio Sobrino, sicasí, lo que lu impulsó foi una esperiencia personal. Hasta 26.465 persones donaron sangre esti añu n’Asturies.
El centru Comunitariu de Sangre y Texíos d’Asturies busca qu’esi númberu de donantes medre y que se faga un vezu, asegura Maite Díaz, directora xerente del centru.
Cada añu un home pue donar sangre hasta cuatro vegaes y hasta tres vegaes nel casu de les muyeres. Los hospitales asturianos necesiten unes 180 bolses de sangre caldía, que nun s’algamen siempres.
Les donaciones han ser un vezu y evitar colapsar los centros, porque la sangre que donamos nun s’usa tal y como se saca.
Con los 450 ml de sangre qu’hai en cada bolsa puen salvase hasta tres vides. Lléese como una simple estadística, pero agospia a persones como Isidro Iglesias, que gracies a los donantes algamó sobrevivir a un cáncer terminal.
Un intercambéu cola vista puesta nel futuru y na salú de los asturianos, que se materializa nel lema ‘Dona sangre, dona esperanza’.
