- Alborecemos col cielu poco nuboso o escampláu ya con unes temperatures que tan alrodiu de los 14ºC, rexistrándose nel puirtu Payares 9,9ºC.
- Güei vamos tener escasa nubosidá con un ascensu de les temperatures que sedrá más testacáu nel interior y dalgo más moderáu na costa por mor del vientu nordés que pue soplar dalgo cafiante.
- Mañana martes aniciase la primera fola de calor n’Asturies que polo menos durará hasta’l vienres y mos dexará temperatures másimes perriba de los 30ºC na mayor parte del territoriu, polo que mañana una vegada que se dixebren los borrinos y nublines del alborecer el cielu va quedar poco nuboso o escampláu con un ascensu bultable de les temperatures másimes qu’algamarán los 30ºC en puntos del interior asturianu.
- El miércoles la situación sedrá mui asemeyada, sicasí les temperatures seguirán subiendo dalgo más hasta’l vienres que sedrá’l día más cálidu de la selmana, a partir del sábadu paez que entamen a descender cola posibilidá de tormentes pero esto yá lu diremos viendo.
