Nin un eslogan nin una opción. La consecución de la igualdá real y efectivo ye para’l Gobiernu d’Asturies “una obligación ética, política y democrática”. Con estes palabres, la vicepresidenta, Gimena Llamedo, ratificó’l compromisu del Principáu para facer desapaecer les les fiendes de xéneru presentes na sociedá. “Nun hai otra opción: el futuru d’Asturies solo puede construyise coles muyeres y col feminismu”, defendió mientres la gala d’entrega de los premios Miraes Violetes, qu’entama’l Movimientu Asturianu pola Paz (Maspaz).
Les diez trayectories homenaxaes son, según Llamedo, “el claru exemplu de que’l feminismu ye unu de los nuesos motores de meyora social”. Les muyeres valientes, comprometíes y tresformadores escoyíes por Maspaz na tercer edición de los sos premios violetes representen “la meyor Asturies, demuestren que dende Asturies tamién puede camudase el tren del mundu”, aportunó la vicepresidenta.
Llamedo apurrió unu de los galardones, el de la categoría de Política y Acción Cultural, que recayó na delegada del Gobiernu, Adriana Lastra, “una muyer que nunca se rinde, que siempres llevanta la voz énte les inxusticies, que nunca calla les verdaes y dispuesta siempres a abrir les puertes por que lleguen les demás”, valoró.
La meyora de la igualdá ye innegable, como lo ye la reacción patriarcal pa frenalo. “Hai fuerces polítiques que nieguen abiertamente’l feminismu y otres que pasen de dides nuna llucha que nun entiende de tibiecess. O se ye feminista o se ye machista. Yá tamos cansaes de que se retuerza la retórica pa nun tomar partíu pol venerable ya irrenunciable derechu de la igualdá”, concluyó Llamedo.
