#Asturias #MedioAmbiente #Ríos 
Detecta la presencia d’estos contaminantes en 9 de cada 10 amueses analizaes, con concentraciones cimeres a trés partícules per llitru nel 15% d’elles.
El proyectu Curiamos de l’Agua, una iniciativa de ciencia ciudadana liderada pola Universidá d’Uviéu reveló la presencia notable” nos ríos asturianos de microplásticos, presentes nel 90 per cientu d’un total de 450 amueses d’agua recoyíes en tola comunidá.
La investigación, na que participen más de 1500 persones voluntaries, sacó a la lluz la presencia d’estos contaminantes en 9 de cada 10 amueses analizaes, con concentraciones cimeres a trés partícules per llitru nel 15 per cientu de les localizaciones, informó la Universidá d’Uviéu nun comunicáu.
Esti datu, sumáu a la cantidá de basura atopada y a les especies invasores detectaes a güeyu, suxuren, a xuiciu de el investigadores, la necesidá d’una mayor vixilancia medioambiental nos ríos asturianos.
Les resultancies del proyectu fueron presentaos esta tarde nuna xornada que tuvo llugar nel Edificiu d’Investigación del Campus de Mieres.
El collaboradores, forníos con un kit de voluntariáu, midieron tamién la temperatura, acidez y durez de l’agua y, con tires de reactivos, cuantificaron tamién los nitritos y nitratos que contaminen los ríos d’Asturies.
Los voluntarios tomaron, amás, semeyes de plantes y animales, ente los que detectaron 29 especies de plantes invasores, principalmente nes zones con más basura.
Coles mesmes, recoyeron y clasificaron la basura de la vera, llegando a retirar más de 6.000 oxetos, la gran mayoría de los cualos fueron toallines desechables, siguíes por colillas, borrafes d’orixe domésticu como botelles o bolses de plásticu y fragmentos de plásticu posiblemente derivaos d’ellos.
Un pequenu grupu ente los participantes dexó constancia de la investigación al traviés d’un artículu escritu n’inglés que ta anguaño en revisión nuna revista científica d’espardimientu internacional.
A pesar de la contaminación por microplásticos, les noticies son alentadoras al respective de la concentración de nitritos y nitratos, porque menos del 6 per cientu de les amueses superen los niveles llegales establecíos n’España, colo que la calidá de l’agua ye aceptable, según l’estudiu
Un estudio científico advierte de una presencia “notable” de microplásticos en los ríos asturianos nortes.me/2025/06/19/un-… vía @nortes_me #Asturias #plástico
