- Alborecemos col cielu nuboso ya con unes temperatures que tan alrodiu de los 19ºC, rexistrándose nel puirtu Payares 17,9ºC.
- Güei vamos tener el cielu empuercáu de nubosidá de desendolque que dirá medrando a partir del mediudía pa dexanos dalgún xarabatu de calter tormentosu pela tarde con unes temperatures que camudarán poco o descenderán llixeramente por mor de les nubes, algamándose tovía los 30ºC en munches zones del interior asturianu. L’aire sedrá sele ya variable con raches moderaes en zones de tormenta.
- Mañana vienres vamos tener menos nubes con bonos ratos de sol, amás les tormentes de pela tarde sedrá ocasionales y disperses si se dan con unes temperatures que van camudar poco, algamándose de nuevu los 30ºC nel interior asturianu con aire que seguirá siendo sele ya variable.
- El sábadu la prosimidá d’una vaguada atlántica va apurrinos nubosidá baxa con un descensu bultable de les temperatures con másimes que malpenes algamarán los 20ºC cola posibilidá de que caiga dalgo d’orpín ocasional y dispersu pela mañana. L’aire rolará a componente norte y sedrá sele en xeneral.
- El domingu veremos dalgo’l sol pela mañana y tornarán a subir les temperatures, pero esto yá lu diremos viendo.
