- Ástura/ Microrrelatu de Kike Garamendi
Hai unos años, los barcos dexaron de salir. Les conserveres pesllaron. Y con elles, apagose una forma de vivir.
Los pescadores quedaron ensin trabayu, les muyeres de les fábriques ensin futuru y los pueblos pesqueros, ensin alma. La mar (que diba y traía vida), quedó muda, ensin redes, ensin cantares, ensin olor a sal.Nun foi solo una crisis económica: foi un robu d’identidá. Normatives, cuotes, competencies desleales… y como si nada, arramplaron con sieglos de cultura.
Pero equí tamos. Duros como les redes que remendaben les güeles. Buscando nuevos caminos, ensin escaecer d’onde vinimos. Porque la mar, aunque callada, sigue dientro.
