Vamos concluyir la selmana con una xornada nubosa en prácticamente tol Principáu d’Asturies. La probabilidá de precipitaciones va ser baxa pero, sía que non, nun se refuga que pueda escapase dalgún orbayu pocu importante en dalgún momentu del día. Los vientos van ser fluexos predominando de norte-nordeste pela tarde, momentu nel que nun se refuga dalguna racha moderada na mariña. Les temperatures máximes van xubir nel interior occidental y central, y van caltenese nel restu de la rexón. Les mínimes apenes van variar respectu al sábadu anque nun se refuga dellos descensos bien llixeros y locales nel suroccidente.
- El llunes esperamos otru día nublu con más claros escontra’l cordal. Nun s’esperen precipitaciones y los vientos van soplar de nordeste con raches moderaes siquier na mariña. Les temperatures máximes van xubir un pocu nel interior, ente que les mínimes van xubir na mariña y nun van esperimentar cambeos nel restu.
- El martes van xubir les temperatures pero van predominar les nubes medies y altes. Amás, va haber posibilidá de bastios d’orixe tormentosu.
