Les dos sableres y zones costeres con bandera negra’ n’Asturies por contaminación y mala xestión ambiental. Esti 2025, Ecoloxistes n’Acción partió 48 banderes negres por toa España y dos son d’Asturies: Por mala xestión ambiental: les Dunes del Espartal. Por contaminación: Ría de Villaviciosa.
Tolos años, Ecoloxistes n’Acción, una confederación de grupos ecoloxistes d’España, presenta un informe de Banderes Negres, un documentu nel que s’otorguen un total de 48 banderes d’esti color a distintos llugares de munches provincies del país. D’estes, la metá danse por factores de contaminación y l’otra metá por una mala xestión ambiental. Esti 2025, n’Asturies hai 10 sableres o acciones que fueron resaltaos nel estudiu.
- La primer bandera negra qu’Ecoloxistes n’Acción dio n’Asturies ye a la Ría de Villaviciosa por contaminación. El motivu ye la falta de saneamientu en munchos de los núcleos rurales que tán próximos a ella, que fai qu’esta ría, que ye unu de los ecosistemes naturales más destacaos de la comunidá autónoma, cunte con altos niveles de contaminación.
- La segunda bandera negra qu’apurrieron n’Asturies ye por considerar que se llevó a cabu una mala xestión ambiental. Nesti casu, foi otorgada a les Dunes del Espartal na sablera de Salinas porque, ente que se realizaben acciones d’estabilización, pretendía emplegase maquinaria pesada que podría desmeyorar y estropiar el so terrén natural, yá que este ye bien fráxil.
