Ventinueve docentes del IES La Corredoria van ser treslladaos al nuevu centru. La Conseyería abre un plazu por que los profesores que deseyen impartir clase nel Institutu Margarita Salas en trelce especialidaes soliciten plaza. Fonte: LNE
La Conseyería d’Educación empecipió’l procedimientu para redistribuir la plantiya ente los dos equipamientos. Van Ser los mesmos docentes los que van poder solicitar el cambéu de centru nun plazu de cinco díes hábiles.
Antes d’ello, la dirección del centru comunicase al personal funcionario de carrera con destín definitivu nel IES La Corredoria de les especialidaes establecíes. Si los profesores nun opten pol cambéu de centru, reflexa’l resolvimientu de la Conseyería d’Educación, va atendese pa decidir quién se treslladen a dellos criterios. Son la menor antigüedá ininterrumpida, con destín definitivu, nel centru, el menor tiempu de servicios efectivos como personal funcionariu, al añu más recién d’ingresu nel cuerpu de Profesoráu d’Educación Secundaria o de Maestros y la menor puntuación llograda nel procesu selectivu d’incorporación. Nel casu de que sía cimeru’l númberu de solicitúes pa movese al IES Margarita Salas qu’el de vacantes va tenese en cuenta, de primeres, la mayor antigüedá con destín definitivu ininterrumpíu nel centru. Si hubiera igualdá recurrirase a otros criterios.
Les places. Nel nuevu institutu van cubrise 29 places en trelce especialidaes. Seis d’elles van ser d’Inglés, cuatro de Llingua Castellana y Lliteratura, trés de Matemátiques, Física y Química y Bioloxía y Xeoloxía. Otros dos puestos van ser pa docentes d’Educación Física y dos más de Xeografía y Hestoria. Completa’l llistáu xuna plaza de Filosofía, Francés, Música, Tecnoloxía, Economía y Pedagoxía Terapéutica.
Los docentes que pueden optar al treslláu son, en total, 73. Trelce imparten nel IES La Corredoria Inglés, diez Llingua Castellana y Lliteratura y nueve Matemátiques. Ocho profesores son especialistes en Bioloxía y Xeoloxía, siete en Xeografía y Hestoria, seis en Física y Química, cinco n’Educación Física, cuatro en Tecnoloxía, trés en Filosofía y dos en Francés, Música, Economía y Pedagoxía Terapéutica. El resolvimientu fixu que los docentes tomen posesión del destín axudicáu’l 1 de setiembre.
Los profesores van disponer d’un periodu pa presentar allegamientos al resolvimientu provisional que va ellaborar la Conseyería en recibiendo la propuesta de la dirección del centru. El personal treslladáu va caltener l’antigüedá xenerada nel so centru d’orixe. Profesores del IES La Corredoria pidieron selmanes tras que’l procedimientu fora voluntariu. Indicaron tamién que les plantiyes previstes pa los dos centros nun yeren abondos.
