- Alborecemos con escasa nubosidá na mayor parte d’Asturies, sicasí na costa’l borrín y la nublina sigue pegada n’élla con unes temperatures que tan alrodiu de los 19ºC, rexistrándose nel puirtu Payares 18,6ºC.
- Güei vamos tener el cielu poco nuboso pela mañana, amás les nublines de la costa van dir dixebrándose a lu llargu la mañana anque a media tarde tornarán a surdir de nuevu, mentantu nel interior van dir medrando les nubes de desendolque que puen dexar dalgún xarabatu de calter tormentosu na fastera surocidental d’Asturies con unes temperatures que van seguir siendo mui altes nel interior con másimes perriba de los 30ºC, más contenies pela costa por mor de les nublines de advención.
- Mañana martes les nubes baxes van dir ganando terrén na metá norte d’Asturies tando más escampláu hacia’l sur anque pela tarde volverán a surdir nubes de desendolque per esa fastera con unes temperatures qu’anicien un descensu.
- El miércoles camudu radical de tiempu con nubosidá abondosa y precipitaciones xeneralizaes pero de calter feble en xeneral con unes temperatures en descensu bultable y yá con másimes que malpenes sobrepasarán los 20ºC.
- El xueves va seguir mui nuboso pero les precipitaciones van tender a reducise o desaparecer con un ascensu llixeru de les temperatures y paez que’l vienres y sábadu volveremos a ver el sol pero con temperatures más afayaices con másimes alrodiu de los 25ºC.
