Cultura va apurrir per primer vegada na seronda la marca Alfaya, qu’estrema a les empreses que fomenten l’usu de les llingües propies. El Gobiernu d’Asturies va otorgar añalmente estes reconocencies, estremaos en trés niveles: inicial, entemediu y d’excelencia. Fonte: Actualidá Asturies /
La Conseyería de Cultura, Política Llingüística y Deporte va poner en marcha la próxima seronda la marca Alfaya, un distintivu que va reconocer el compromisu del texíu empresarial les llingües propies de la comunidá: l’asturianu y l’eonaviego. La conseyeranessa Gutiérrez, anunció güei esta iniciativa n’una xunta con representantes de l’Asociación *d’*Empreses y Profesionales pol Asturianu.
La marca Alfaya, creada pol Decretu 21/2023, de 16 de marzu, busca fomentar l’usu social de dambes llingües nel ámbitu económicu, amás de reconocer públicamente a les compañíes qu’incorporen bones práctiques na so actividá diaria.
Na xunta celebrada esta mañana encetáronse los planes para poner en marcha’l sellu, que va incluyir trés niveles distintos de reconocencia:
- Inicial. De bon accesu, por aciu una solicitú d’adhesión.
- Entemediu. Reflexa un compromisu activu col usu de la llingua.
- Excelencia. Acútase a aquelles entidaes que demuestren una implicación destacada y sostenida nel tiempu.
La marca va poder solicitase mientres tol añu, pero la so concesión va formalizase nun actu institucional añal. Amás, va habilitase un espaciu específicu na web del Principáu y va publicase el catálogu d’empreses distinguíes.
Alfaya va empezar a funcionar esta seronda en collaboración cola citada asociación, qu’amosó un firme compromisu cola iniciativa. Con esta midida, el Gobiernu d’Asturies avanza nel so apueste pola normalización llingüística y por fomentar que la comunidá valore y promueva la so diversidá cultural dende l’ámbitu empresarial.
En la imagen, de izquierda a derecha: Antón García, director general de Acción Cultural y Normalización Llingüística; Vanessa Gutiérrez, consejera de Cultura, Política Llingüística y Deporte; Xosé Xicu Mata y Susana Rubio, representantes de la Asociación d’Empreses y Profesionales pol asturianu.
