Esta fiesta esta declarada d’INTERÉS TURÍSTICU DEL PRINCIPÁU D’ASTURIES.
Mientres trés díes, ensin dulda, ye una cita imprescindible en Llanera. Celébrase la primer fin de selmana de xunetu na Cortil Ferial, que conviértese n’una auténtica recreación de la vida medieval de la dómina para celebrar la rebelión de los habitantes del conceyu nel añu 1408, cansaos de los abusos del obispu uvieín en forma d’impuestos abusivos, que-yos valió la pena d’escomunión hasta 1412.
Un tornéu ente cuatro caballeros, xuna cena pa más de mil persones, y un desfile de participantes vistíos de sacu son dalgunos de los elementos más llamativos.
Tou llistu en Llanera para la gran fiesta de los Exconxuraos d’esta fin de selmana. Nel ferial del conceyu, en Ables, va haber enforma de lo qu’esfrutar, ente otres coses, esposición de cetrería, talleres artesanales, demostraciones de combates y torneos medievales, amás de muncha música y zona infantil con xuegos. La ocasión merecer siempres y más anguaño nel que se festexa’l 25º aniversariu d’una cita que se convirtió n’emblema del conceyu.
Les celebraciones van tener llugar del vienres 4 al domingu 6 de xunetu, anque dientro de les actividaes programaes tamién ayeri inauguróse yá xuna esposición na Plaza de L’Habana de Posada qu’arrexunta fotografíes y elementos sobro la festividá como cartelería, programes o, inclusive, la cacía tradicional de la cena medieval.
