El miércoles va ser un día que, no meteorolóxico, nada va tener que ver colo vivío va unos díes cuando se superaben en demasía los 30 ºC na mayoría de poblaciones asturianes. Vamos tener cielos bien nublos o cubiertos de norte a sur y d’este a oeste mientres tola xornada. Esta nubosidad, amás, va dexar precipitaciones xeneralizaes que, anque van poder tar presentes mientres tol día, van ser más frecuentes pela mañana y n’hores centrales. Los vientos van predominar de norte tendiendo a nordeste col intre de les hores. Van ser vientos fluexos pero con delles raches moderaes sobremanera na mariña. Les temperatures van baxar de forma estraordinaria nel cordal (hasta 8 o 9 ºC menos), de forma notable nel restu del interior (hasta 6 ºC) y de forma más llixera na mariña (hasta 2 o 3 ºC). Poro, va haber poblaciones que nun consigan algamar los 20 ºC, y les que los algamar, a dures penes van superar.
El xueves tamién va ser un día con abondosu nubosidad. La probabilidá de precipitaciones va ser baxa pela mañana pero nun se refuguen bastios pela tarde. Los vientos van soplar de nordeste con posibles raches moderaes y les temperatures van recuperase llixeramente nel casu de les máximes.
