Vamos amanecer con nubes baxes salvu nel cordal y otros puntos del sur d’Asturies onde, probablemente, amanezan cola presencia del sol. Mientres la mañana va entrar una masa de nubes de tipu mediu pel oeste que se va dir moviendo escontra l’oriente col intre de les hores. Prevese qu’antes de les 15:00 h esta masa nubosa yá s’alloñara pol oriente, abriranse claros na mariña pero tendiendo a aumentar les nubes de tipu baxu nel interior. Asina tou, antes de concluyir la xornada acabará cubriéndose tol Principáu.
Pela tarde nun se refuguen dellos bastios nel cordal y proximidaes. Los vientos van ser fluexos polo xeneral, con raches de norte nel interior y de noroeste-oeste na mariña. Les temperatures máximes van baxar nel interior central ente 2 y 3 ºC respectu al sábadu, de forma bien llixera nel estremu oriental, y ensin cambeos nel restu de la rexón. Les mínimes apenes van variar con, a lo sumo, dellos descensos locales poco apreciables.
Pa la próxima selmana, vamos tener un llunes nublu (anque se van abrir escamplaes mientres la tarde), y un mayor predominiu del sol a partir del martes cuando, amás, van empezar a xubir les temperatures. El miércoles y el xueves apunten a ser, a priori, los díes más templaos de la selmana.
