Pel branu tramítense más de 22.000 escedencies llaborales pol cuidáu de los fíos. El preciu de los campamentos de branu crez un 5% nos postreros dos años. Los campamentos de branu pasaron de ser una simple opción d’ociu a una necesidá pa munches families que busquen conciliar la vida llaboral coles vacaciones escolares. TPA
Los precios medraron más d’un 5% nos dos últimos años. Según un estudiu de la EAE Business School, el gastu mediu por fíu varia ente los 200 y 2.000 euros, daqué inasumible pa la mayoría de los llares españoles
Por ello son munches les families y na so mayoría muyeres, el 90%, que se ven obligaes a tener que pidir una escedencia pa poder conciliar.
Pa Miguel Ángel López, profesor d’EAE Business School la ufierta pública ye insuficiente porque solo cubre’l 30% de la demanda. Por ello 7 de cada 10 families tuvieron que retayar n’otres árees, como nes sos propies vacaciones, pa poder unviar a los sos fíos a un campamentu.
N’Asturies el preciu mediu más baxu d’estos campamentos ta sobre los 100 euros, pero los precios medren si s’incluyen comíes, idiomes o inmersión en nueves tecnoloxíes.
