La Pola vivió un #Carmín inclusivu y seguro.
Miles de romeros esfruten nel prau de La Sobatiella
La Pola (Siero) celebra güei El Carmín. Miles de romeros esfruten nel prau de La Sobatiella. Ye’l primer Carmín qu’entama l’Ayuntamientu de Siero dempués de la disolución de la Sociedá de Fiestes.
Como novedá, afítase como la primer fiesta inclusiva d’Asturies pa persones con autismu, con espacios reservaos aisllaos del ruíu. Una midida que dende l’asociación polos derechos de les persones con autismu quieren treslladar a toles fiestes d’Asturies.
Caltiénse’l puntu violeta y el control d’accesu pa evitar acceder con bébora d’alta graduación. Dempués de tres años con esta midida, la mocedá cumple.
Un Carmín nel que les Fuerces y Cuerpos de Seguridá del Estáu, Policía Local, Guardia Civil y Protección Civil refuercen efectivos pa que toos esfruten.
Los servicios de llimpieza van tardar dellos díes en recoyer les tonelaes de basura acumulaes nel Prau de La Sobatiella tres el Carmín.
