Esperamos la entrada d’una pequena masa d’aire más frío que va consiguir baxar les temperatures de forma xeneralizada. Les máximes van baxar especialmente nel interior (hasta 4 ºC menos) y de forma más nidia na mariña. Les mínimes apenes van variar respectu al martes. En cuanto al estáu de los cielos, prevense intervalos nublos con enclín a aumentar entá más la nubosidad mientres la tarde. Estes nubes van dexar precipitaciones débiles que podríen afectar a cualquier puntu de la rexón. Los vientos van soplar d’oeste-noroeste con raches moderaes, sobremanera na mariña onde puntualmente podría rexistrase dalguna racha daqué más fuerte.
El xueves va ser otru día marcáu peles nubes y la posibilidá de delles precipitaciones que, a priori, van dir de más a menos col intre de les hores. Les temperatures máximes volverán baxar. van facer de forma llixera pero lo suficiente como para rexistrar unos valores térmicos más baxos. Los vientos van ser fluexos a moderaos de componente norte.
El vienres va empezar a estabilizase’l tiempu cola apertura de grandes claros que va dar pasu a una fin de selmana soleyera nel que van xubir les temperatures.
