TPA: Nueves ferramientes tecnolóxiques pa docentes nel cursu de branu de la Universidá d’Uviéu. La revolución dixital obliga a camudar la forma d’enseñar a profesores y inspectores educativos.
D’Intelixencia Artificial (IA) y nueves ferramientes tecnolóxiques falóse nel cursu de branu de la Universidá d’Uviéu pa inspectores educativos. Esta segunda edición centrase nes competencies profesionales que tienen qu’alquirir y tresmitir los docentes na actual revolución dixital qu’obliga a camudar la forma d’enseñar.
El cursu ta entamáu en collaboración cola Xunión Sindical d’Inspectores Educativos.
Los profesores enfréntense a una revolución porque yá nun se pue enseñar como enantes. Nun se pue replicar el modelu deprendíu. Necesítase, poro, alquirir nueves competencies profesionales. Tanto docentes, como, por supuesto, inspectores educativos.
P’aprovechar darechu, y de manera eficaz y ética, los conocimientos que se puean sacar de les nueves tecnoloxíes, y saber tresmitir cómo facelo.
El catedráticu Álvarez Arregui pronostica cambeos increíbles en cinco años.
