- LNE /
Nin la sablera de les Catedrales, nin los Bufones de Pría: la desconocida xoya d’Asturies con un arcu de piedra que llexa sobro’l Cantábricu. El
castru de les Gaviluetes, cercanu a la sablera de la Fuelga, en Villahormes, nel conceyu de Llanes, engabita a los amantes de la fotografía y de los paisaxes singulares.
L’aurora boreal nel castru de Les Gaviluetes, un conocíu enclave de la mariña llanisca.
La mariña norte nunca defrauda. Siempres sospriende. Los sos serrapatosos cantiles azotaos pel mar dan llugar a roques y formes ensin igual. La sablera de les Catedrales, en Llugo, la llende ente Galicia y Asturies, ye unu d’estos puntos onde la roca toma formes espectaculares. Los Bufones de Pría, en Llanes, ye otru exemplu. N’este mesmu conceyu, atopamos otra formación, quiciabes daqué menos conocida o turística que foi destacada pola revista National Geographic. El castru del Castru de les Gaviluetes engabita a amantes de la fotografía y de los paisaxes singulares.
Nes proximidaes de la sablera de la Fuelga, na localidá llanisca de Villahormes, atópase’l castru conocíu como Capo de les Gaviluetes, peculiar pola so forma d’arcu que paez que llexa sobro’l Cantábricu. Non folta. Tien dos pilastres de roca incinaos que “paez llexar sobro les agües del Cantábricu” —tal como aseguren dende Turismu de Cantabria— cuando la marea alta oculta la so base. L’arcu ta coronáu por una diadema verde onde les gaviluetes tienen una ciudá dormitoriu y dan nome a esta formación natural.
Llégase pol encruz que va escontra Hontoria dende Villahormes y síguese la señalización escontra la sablera. Una vegada ellí, namá queda sentase y esfrutar del espectáculu.
Pel branu, cuando la lluz ye más templada y el cielu ta estenu, los atapeceres acolorataos y rosaos conviden a quedase ellí contemplando cómo ese impresionante arcu de piedra. Pero ye unu d’esos paisaxes pa esfrutar en cualquier dómina del añu. Un soleyeru día d’iviernu, bien abrigáu, ye ensin dulda un sitiu ideal pa relaxase y, sobremanera, pa esfrutar de la fotografía.
