Pravia cunta les hores para la gran romería del Xiringüelu, anque los festexos van empezar el xueves. Miles de romeros van enllenar el domingu, 10 d’agostu, el prau Salcéu y van compartir comida, bebida, bailles y, sobremanera, muncha diversión. Anque’l día grande d’estes fiestes pravianes va ser el domingu, el voltaxe festivu va dir aumentáu dende esti xueves, día 7, cuando los más pequenos van celebrar el so propiu Xirin.
