Sablera de Rodiles, en Villaviciosa
La sablera de Rodiles va ser la imaxe del cupón del ONCE correspondiente al próximu xueves, 31 de xunetu, dientro de la serie Sableres con bandera, que pretende dar visibilidá a les dos sableres más reconocíes cola Bandera Azul en cada provincia. Cinco millones de cupones van espublizar por toa España esta emblemática sablera asturiana, allugada nel conceyu de Villaviciosa. La iniciativa, que se llanza en 2025, va siguir nos branos de los próximos años col fin de poner en valor y fomentar el caltenimientu d’estos espacios naturales.
El Cupón Diariu del ONCE pon en xuegu un premiu de 500.000 euros al númberu más la serie y 49 premios de 35.000 euros a los cinco cifres del númberu premiáu. Amás, 450 premios de 250 euros a los cuatro primeres cifres y otros 450 premios a los cuatro últimes; 9.000 premios de 25 euros nel casu de trés últimes o trés primeres; y lo mesmo para los dos primeres y últimes (6 euros) y reintegru de 2 euros a la primera o la última cifra del númberu premiáu.
