Y ye qu’equí búscase al más rápidu del mundu. Cada participante recibe un cubu con unos 20 kilos de material. Dientro, delles pepites d’oru del tamañu d’una cabeza d’alfiler que tienen qu’alcontrar nel menor tiempu posible señala César Castaño, presidente de l’Asociación Barciaecus.
Hai diferentes categoríes, pero toos coinciden en qu’esto ye un mundial. Son 600 participantes y hai munchu nivel apunten Andrés Redruello, Manuela Menéndez y Elisa González.
Va años que los campeonatos nacionales qu’acueye Navelgas son fiesta d’interés turísticu rexonal, pero agora trabáyase en dar un pasu más.
Supondría un importante emburrie a esta cita que yá ye un recursu fundamental na actividá económica y turística de la zona.
Navelgas vive una romática pidimientu de matrimoniu mientres la prueba del bateo con antorches: “¿Ves daqué?”
La Marcha nupcial» sonó nel «Navelgas Arena» para celebrar el sí, quiero» de la bateadora Silvia Sánchez al pidimientu de matrimoniu del so compañeru David Iñiguez metanes la competición. Ayeri vivimos una nueche máxica en Navelgas !!!
⭐Norabona a Silvia & David💍
“¿Ves daqué?”, aportunába-y con impaciencia la so pareya cuando yá-y quedaba bien poco sable na batea. De secute, ese «daqué» rellumó ente’l sable y una risa nerviosa escapó de la bateadora mientres David Iñiguez faía’l xestu d’arrodillarse metiendo una pierna na zona de bateo y realizaba la propuesta: “Silvia Sánchez Muñoz, ¿quier usté casase conmigo?”. Entre vítores del públicu, una emocionada novia respondía afirmativamente al románticu pidimientu, que sellaron con un besu y abrazu mientres la organización ponía la Marcha nupcial” polos altavoces y el públicu glayaba “¡Vivan los novios!”.
