Conceyos y parroquies empiecen a emitir bandos por aciu los que se prohibe regar finques y enllenar piscines, ente otros usos masivos de recursos. La escasez enllargada d’agües llevó yá a delles alministraciones locales d’Asturies a imponer restricciones al consumu d’agua. Pel momento, eses midíes afecten a grandes consumos de recursos, como los que rique l’enllenáu de piscines o la llavadura de coches. El Comercio
Esta ye la situación nel conceyu de Candamo. El Conceyu prohibió’l riego de finques, enllenáu de piscines, llaváu de coches y otres actuaciones que puedan suponer un riesgu pal suministru d’agua.
«En momentos puntuales dellos pueblos quedáronse ensin suministru d’agua. Ye por ello qu’apelamos a la sensatez de toos pa faer un usu responsable y moderao de l’agua pa los fines qu’entiende la concesión, esto ye, atender les necesidaes de la vida ya hixene privada», señalen dende’l Conceyu al traviés d’un bandu municipal.
Dende’l Consistoriu apelen a la collaboración ciudadana y alverten que «l’incumplimientu o inobservancia d’estes normes va constituyir xuna infracción de les previstes nel Reglamentu del Serviciu d’Agua, dando llugar a la imposición de sanciones».
