Finó’l ilustrador arxentín de la tenrura, Juan Chavetta, creador de “Puru Pelo”

Chavetta foi’l ceador de Puru Pelo, una neña con melena de colores, llueñe de la tecnoloxía, fondamente sensible y entrañable. El so universu de dibuxos florió a partir de 2009, pero foi en 2014 cuando conquistó les redes sociales y el corazón de miles de persones col so mensaxe claru: lo pequeno tamién importa, y enforma. La tenrura como forma de resistencia.

N’ochobre del 2024 participó del alcuentru educativu con estudiantes de Puertu Madryn y cuntó a Canal 12 cómo nació “Puru Pelo”, casi ensin buscalo, «Empecé a dibuxar como tou chicu, a los 5 años, faciendo garabatos. Siempres me gustó’l dibuxu. A los 17 mandáronme a estudiar dibuxu a Bonos Aires, pero la caricatura aburríame. Siguía dibuxando y nun sé cómo, pero salió Puru Pelo. Empecé a dibuxar a partir d’unes muñeques xaponeses, les Kokei, y ende apaeció”, rellató n’ochobre de 2024 mientres un alcuentru con estudiantes en Puertu Madryn.

De magar, el so personaxe caminó por escueles, feries, llibros y redes, llevando’l so mensaxe de sensibilidá, respetu, xuegu, y guapura no cotidiano. Chavetta fixo de la ilustración un abelugu y una trinchera, dende onde s’animó a recordar que la infancia, l’amor, la familia y los xestos simples entá tienen un llugar.

Güei despidímoste con gratitú infinita. Vase l’artista, queda la so obra. Y con ella va siguir percorriendo caminos, semando tenrura, abrazando con colores y enseñándonos —como él— que nunca ye tarde para mirar el mundu con güeyos de neñu.