Una pareya que se dobla la edá y remando por tou un pueblu: asina foi’l trunfu más emocionante nel Sella, el de Bouzán y Bertín Llera. RTPA/ LNE
¡Qué carrera! Walter Bouzán y Alberto Llera son los nuevos campeones del Descensu Internacional del Sella en categoría K2. Una victoria cien per cien riosellana y bien especial por dellos motivos: Ye’l primer trunfu en 29 años d’una K2 integrada por dos riosellanos, Walter Bouzán remó con Alberto Llera padre y xuntos xubieron al segundu caxón del Sella.
Agora, con Bertín fíu xúbese lo más alto y cuélgase l’oru. Y esta ye la novena victoria para Walter en K2. Sumaes a les 3 en K1, algama les 12 y conviértese nel piragüista con más trunfos nel Sella ¡Increíble, campeones!
¡Les Tanias llévense’l Sella en K2! Tania Álvarez y Tania Fernández volvieron demostrar que formen un tándem imbatible. Potencia, coordinación y un ríu que conocen como la palma de la so mano. ¡Norabona, campeonas @taniaafg92 @taniaalvarez4 !
