Eva Díez y Ana Buceta, nel Carlos Tartiere. La Voz
El primer equipu del Real Uviéu femenín va dexar tras el blancu de la so primera equipación y va pasar a xugar con pantalón azul para garantizar el bienestar de los sos futbolistes mientres la menstruación.
Fízolo Nueva Zelanda nel postreru Mundial femenín y dalgún equipu del fútbol español como la Real Sociedá implementaron distintes midíes, pero naide España foi tan tayante como’l Real Uviéu. El club azul anunció que’l primer equipu femenín va camudar el blancu del pantalón de la primera equipación pol azul. ¿El motivu? Garantizar el bienestar de los sos futbolistes mientres la menstruación.
Con esti apueste la entidá quixo tomar conciencia y concenciar sobre la incomodidad de competir nesos díes col mieu, la inseguridá o la esmolición que la indumentaria blanca xenera nes xugadores», esplicó’l mesmu Real Uviéu nel comunicáu publicáu este mesmu martes. L’equipu d’Andrea Suárez, a éstes va xugar esta tarde un amistosu ante la Real Sociedá -forno de Lliga F- y va llucir la equipación con camiseta y pantalones azules.
María Suárez, directora xeneral del Real Uviéu femenín y, amás, miembru de la xunta directiva de la RFEF, asegura nel comunicáu del club carbayón que «sabemos que’l blancu siempres va ser tamién el nuesu color, pero nun nos quepe dulda tampoco de qu’apostando dafechu al azul vamos representar col mesmu desempeñu, arguyu, valor y garra a esta entidá». «El club dio un pasu que, amás de simbólicu, pretendi ser prácticu y col que se busca normalizar la menstruación como parte natural de la vida de les sos xugadores, ensin estigmes nin restricciones. Nun queríamos a cencielles faer el cambéu p’ameyorar les condiciones de trabayu de les deportistes, sinón que queríamos esplicalo y faer parte a l’afición», conclúi l’escritu.
El Real Uviéu, en xubiendo’l cursu pasáu, va competir esta temporada en Primer RFEF, segunda categoría del fútbol femenino español.
