- Alborecemos col cielu nuboso ya inclusu con dalguna gotera pela costa, amás l’aire gallegu sopla con raches moderaes y fae que suban les temperatures nel llitoral onde tan alrodiu de los 20ºC, mentantu nel interio rondamos los 17ºC, rexistrándose nel puirtu Payares 9,6ºC.
- Güei vamos tener intervalos nubosos con nubosidá más abondosa pela costa, onde nun se descarten delles precipitaciones febles a lu llargu del día, nel restu sedrán mui poco probables y de dase al atapecer. Les temperatures n’ascensu y l’aire gallegu moderáu con dalguna racha fuerte en zones espuestes.
- Mañana sábadu amenorgará l’aire y la nubosidá col cielu poco nuboso nes hores centrales del día, amás les temperatures van subir moderadamente. A últimes hores tornarán les nubes ya inclusu podría cayer dalguna gotera.
- Durante’l riscar del domingu un frente poco activu mos dexará precipitaciones febles en xeneral. Una vegada que pase van dir dixebrándose les nubes pa dexanos el cielu poco nuboso a partir del mediudía, mentantu dirán desendolcándose les nubes de forma vertical na cordelera, pa dexanos dalgún xarabatu de calter tormentosu al final de la tarde. Les temperatures en descensu y l’aire gallegu tornará a soplar con fuercia.
- Los tres primeros díes de la selmana viniente paez que tendremos xarabatos durante les tardes, tando más bono peles mañanes, dempués tien a estabilizase’l tiempu con ascensu de les temperatures y bonos ratos de sol pero esto yá lu diremos viendo.
