- Alborecemos col cielu escampláu y coles primeres iversiones térmiques xeneralizaes de la temporada, les temperatures son más baxes no fonderu los valles que’n los puertos de montaña con unes temperatures que tan alrodiu de los 12-13ºC, rexistrándose nel puirtu Payares 15,9ºC
- Güei vamos tener el cielu poco nuboso o escampláu durante tol día con unes temperatures másimes n’ascensu. L’aire sedrá sele ya variable con dalgo de nordés pela costa.
- Mañana xueves y pasáu vienres sedrán díes mui asemeyaos col cielu empuercáu de nubes altes y temperatures másimes que superarán ampliamente los 30ºC na mayor parte del interior asturianu, tando más contenies na costa por mor de les brises marines.
- A partir del sábadu pela tarde camudu radical del tiempu cola entrada de vientu de componente norte que mos apurrirá un embolsamientu d’aire fríu sobre too de cara al domingu-llunes con descensu bultable de les temperatures, precipitaciones abondoses y les primeres nevaes nes zones más altes de la cordelera. La seronda va entrar de sópitu coincidiendo col cambiu d’estación astrolóxicu.
