Berra del venado n’Asturies 2025: rutes empuestes y puntos d’observación. Los montes de Nava y Teberga son dalgunos de los que cunten con puntos d’observación señalizaos para esfrutar esta seronda del espectáculu de la berrea del venáu.
Avérase la seronda y cola nueva estación empieza unu de los mayores espectáculos de los montes cantábricos: la berrea. Los montes de Nava, Teberga, Somiedu o Casu, por casu, cunten con puntos d’observación dende los que ver y escuchar esti singular cortexu y hai asociaciones y empreses turístiques qu’aprovechen estes selmanes de setiembre y ochobre para entamar rutes empuestes.
🍂🦌 ¡Ye tiempu de berra en Teberga!Ente setiembre y ochobre, a l’amanecida y al atapecer, los montes de Teberga enllenense d’un soníu únicu: el potente bramíu de los venaos en celu. Un espectáculu natural que combina naturaleza, tradición y la guapura de los montes tiñíos de colores serondiegos . Afaya los puntos d’avistamiento.
