L’Aemet activa l’avisu mariellu en cuasi toa Asturies por lluvia, con una baxada de 10 graos. RTPA
La seronda arranca fresca. La seronda arranca esti llunes con tiempu frescu: les temperatures sedrán hasta 10 graos menos que davezu pal periodu, y güei sedrá una xornada de precipitaciones fuertes en puntos del norte y sureste, con acumulaciones d’hasta 20 llitros nuna hora, mientres en Barcelona sigue desapaecíu un home arrolláu ayeri pola lluvia.
Más d’un centenar d’efectivos de los Bomberos de la Generalitat de Cataluña busquen nun tramu de 17 kilómetros al home desapaecíu ayeri domingu cuando la riera de Sant Quintí de Mediona (Barcelona) arrastró’l coche nel que viaxaba xunto al so fíu, menor d’edá. El so cadabre foi alcontráu ayeri pela nueche.
Esti llunes la lluvia caltién n’alerta mariella (riesgu pa delles actividaes) a Asturies, Cantabria y País Vascu, énte la previsión d’acumulaciones d’hasta 15 llitros per metru cuadráu nuna hora en tola costa.
