Con motivu del entamu del nuevu cursu escolar, l’Institutu Nacional de Ciberseguridad (INCIBE) presenta la campaña de concienciación #VueltaAlColeCibersegura. Trátase d’un conxuntu de recursos visuales, senciellos y curiosos, onde s’enceten temes empobinaes al profesoráu y les families coles mires d’ameyorar la so capacitación en ciberseguridá nel regresu a les aules.
El profesoráu, los equipos directivos y otres figures de los equipos educativos van atopar en la web del INCEBE información sobro temes como la revisión de los procedimientos del centru educativu, l’espardimientu de les imaxes de menores per parte del centru, la importancia de fomentar les bones práctiques colos dispositivos escolares o la manera d’integrar la formación en ciberseguridá.
Amás, van poder descargase’l catálogu de servicios pal sector educativu qu’INCIBE ufierta y qu’incorporen nel so diseñu unos oxetivos didácticos y competencies en ciberseguridá y ciberconvivencia venceyaos a los marcos de competencies dixitales del sistema educativu español.
