Vamos amanecer con nubes na mariña y tamién na zona central de la rexón. Sicasí, nel restu preve poca nubosidá o, sía que non, intervalos de nubes de tipu altu ensin importancia. Comoquier, conforme meyora la mañana la nubosidá va dir estendiéndose escontra’l sur para dar pasu a una tarde con cielos cubiertos en cualquier puntu del Principáu. Nun se refuguen precipitaciones débiles mientres la tarde de forma ocasional. Los vientos van ser fluexos predominando la componente norte. Les temperatures máximes van baxar ente 5 y 6 ºC na mayor parte de la Comunidá Autónoma. Na mariña’l descensu va ser daqué más moderáu pero, garré tou, prevese que baxen unos 3 o 4 ºC respectu al martes. Les mínimes van xubir de forma xeneralizada hasta 4 ºC.
El xueves esperamos otru día marcáu peles nubes. La probabilidá de precipitaciones nun va ser alta pero nun se refuga que puedan escapase delles gotes mientres el día. Les temperatures van baxar llixeramente nel interior y van caltenese na mariña. Muncho meyor tiempu vamos tener a partir del vienres con unes temperatures que van tender a l’alza mientres la fin de selmana.
