Desendolcaránse ente’l 16 y el 25 d’ochobre n’Uviéu, Xixón, Avilés, Colombres y Samartín del Rei Aurelio. Un alcuentru con profesores y estudiantes universitarios protagonizáu pol economista y políticu Mario Draghi, un actu del escritor Eduardo Mendoza con más de 150 clubes de llectura y una charra ente la fotógrafa mexicana Graciela Iturbide y el cineasta Alejandro González Iñárritu son dalgunes de les cerca de 80 actividaes programaes pa la conocida como ‘Selmana de los Premios’.
Esti programa cultural, entamáu pola Fundación Princesa d’Asturies nel que participen los galardonaos colos Premios Princesa d’Asturies los díes enantes de la ceremonia d’entrega, desendolcaráse ente’l 16 y el 25 d’ochobre n’Uviéu, Xixón, Avilés, Colombres y Samartín del Rei Aurelio.
La directora de la Fundación Princesa d’Asturies, Teresa Sanjurjo, presentó esti martes en rueda de prensa esti ampliu programa d’actos, qu’inxerta conciertos, ciclos de cine, esposiciones, instalaciones artístiques y talleres colectivos, que tienen como oxetivu «averar» la trayectoria y méritos de cada galardonáu a la sociedá.
